Pasang Iklan Dunsanak Disini! MURAH





Rabu, 09 April 2014

DIAH MAISA - Lah Hilang Cipt. Sexri Budiman






Cipt. Sexri Budiman
Lah hilang kinilah hilang
Tampek baiyo babagi raso
Batenggang kama ka batenggang
Di buhuo bana putuihnyo cinto

Untuang tak salah uda manimbang
Bialah barek kasiah ka urang
Den ukuo badan jo bayang-bayang
Rila den lapeh uda ka urang

Walau bapisah bapisah habih
Jan habih bana cinto di hati
Pailah uda mambaok hati
Jo doa suci denai iriengi

Elok-eloklah uda balayie
Untuang tatumpang kapa nan gadang
Ka tampek galak dapek dicari
Kawan manangih jan sampai hilang
 

Minggu, 14 Juli 2013

RAYOLA - Padiah Ditusuak Cinto


Cipt. Papa Ragel & Chomet See

Sakiknyo hati denai kini uda yo sabana sakik
Uda kicuah denai yo dari yo dari balakang
Jo denai uda bacinto jo nan lain uda basayang
Muluik uda hanyo manih di muko sajo

Lah dicurahkan kasiah jo sayang ka bakeh uda
Baa aie susu babaleh jo aie tubo
Kok di nan kalam uda mungkin indak den ka tahu
Manga bakicuah denai yo sayang di nan tarang

Padiahnyo ditusuak duri denai ko
Labiah padiah ditusuaknyo cinto
Kamano denai cari ubeknyo uda sayang
Rasonyo ditutuik mato denai ko
Bia ndak diliek uda baduo
Tapi batin ko taruih bakato kabaa juo

Maafkan denai oi adiak sayang
Mungkinnyo kito indak dijodohkan
Rilakan denai oi adiak sayang
Ka tangan urang

Senin, 17 Juni 2013

ICHA ZAGITA - Tongga Babeleang


Cipt. Eri KMT

Bak kato balam padi rabah
Salamo ayah kami tinggakan
Hiduik kami batambah susah
Dunsanak lai balanteh angan 


Manangih denai dalam rasian
Mangana untuang nasib nan ko
Harato bando mandeh ndak punyo
Denai jo mandeh dibaluik seso

Kok nyampang singkek umua mandeh
Ka sia badan ka bagantuang
Darah nan baru satampuak pinang
Umua nan baru satahun jaguang
Denai nan surang tongga babeleang
Si upiak iyo si buyuang iyo
Si bungsu indak ka baradiek
Si tuo indak ka bakakak

Malang nasibnyo ambai-ambai
Lubang tagali ombak tibo
Jarek samato jo banang sahalai
Putuih jo apo mak oi kapaulehnyo..

Senin, 10 Juni 2013

ICHA ZAGITA - Nyao Taruahan Kasiah

 
Cipt. Sexri Budiman

Di hati mati di mato buto
Mangko taulang jalinan cinto
Nan den takuti malah tajadi
Babuah pisang yo kaduo kali

Balangang surang di malam kalam
Raso malaikaik manjapuik nyao
Baru kasanang luko nan dalam
Baulang tikam di jajak nan lamo

Nyao taruhan kasiah nan den hadang
Manga lain pulo nan den tarimo
Siso rasonyo kasiah jan dibuang
Biakanlah tingga pambaluik luko

Senin, 03 Juni 2013

ICHA ZAGITA - Cangguang


Cipt. Sexri Budiman

Cangguang di ujuang jalan
Labuah di panantian lah basimpang duo
Arek bimbiangan tangan
Rapek pasandiangan bapisah jadinyo

Rila lai den rilakan
Buliah naknyo tanang datak jantuang ko
Tiok mato den piciangkan
Lengahnyo nan kanduang tampak juo

Padam palito cinto, api rindu nyalo juo
Bayang kasiah den buang, gurau manjo tak kunjuang hilang
Dek ndak pandai den bacamin diri
Mangko salah den mambaco bayang

 

Sabtu, 01 Juni 2013

RATU SIKUMBANG - Bialah Mato Ko Buto

 
Cipt. Sexri Budiman

Badan rasonyo tak lamak
Darah rasonyo tak sanang
Antah apolah sababnyo
Mimpi buruak nan lah datang
Raso cincin denai hilang
Nan dulu uda pasangkan

Nyato juo mah kironyo
Tanuang hati denai ko
Uda duduak di palaminan
Bialah mato ko buto dari pado den maliek
Urang basandiang duo

Manga bungo disirami
Jikok dipatah pucuaknyo
Jo denai uda buek janji
Jo nan lain malah jadinyo

Manga bungo disirami
Jikok dipatah pucuaknyo
Di lua nan tak tampak tangih
Nan di dalam baa mambujuaknyo

Kamis, 30 Mei 2013

ICHA ZAGITA - Basuluah Jo Aia Mato


Cipt. Sexri Budiman

Bungo ka suntiang layua tabuang
Maratok sanggua ateh kapalo
Cilako jalan yo dek basimpang
Awak sairiang dicaraikannyo

Api sapuntuang nan alah padam
Jarek samato putuih panjalin
Putuih nan tiado kapaulehnyo...
Tarambau denai yo di nan kalam
Uda mambimbiang tangan rang lain
Denai basuluah jo aie mato...

Kok jantuang putuih darah baserak
Silasiah tungga ka paurehnyo
Indak den cameh kasiah kacarai
Rusak di dado nan ka manyeso

ICHA ZAGITA - Aia Mandian


Cipt. Wilson Rako

Taruih mambayang di pikiran hati ko ibo
Dek bansaik diri dunsanak malengahkan
Kok basalang tenggang indak mungkin diarok lai

Iyo kok sansai mande kanduang kito kini ko
Basabalah usah disasali
Padiah kato dunsanak mande lah aie mandian kito

Dalam duduak acok den tamanuang
Tangiang juo upek jo caraco
Tahino bana yo dek harato nan tak ado
Lai kok untuang mande isuak den tabuih kato urang nan tadorong

Selasa, 14 Mei 2013

RENIMA - Cinto Basarang Duto

Cipt. Yon Idrus

Saharum bungo malati nan tabik di pagi hari
Hanyo di dalam mimpi hilang kama ka dicari
Sio-sio denai mananti uda jauah di rantau urang
Kini bakawan sunyi bak bulan indak babintang

Cintolah basarang duto batirai bamego-mego
Takicuah pandangan mato nan malieknyo
Cintolah basarang duto bagungguang dibawok tabang
Baungkai janji-janji kito nan lamo

 

Share

Twitter Delicious Facebook Digg Stumbleupon Favorites More