RATU SIKUMBANG - Bialah Mato Ko Buto

 
Cipt. Sexri Budiman

Badan rasonyo tak lamak
Darah rasonyo tak sanang
Antah apolah sababnyo
Mimpi buruak nan lah datang
Raso cincin denai hilang
Nan dulu uda pasangkan

Nyato juo mah kironyo
Tanuang hati denai ko
Uda duduak di palaminan
Bialah mato ko buto dari pado den maliek
Urang basandiang duo

Manga bungo disirami
Jikok dipatah pucuaknyo
Jo denai uda buek janji
Jo nan lain malah jadinyo

Manga bungo disirami
Jikok dipatah pucuaknyo
Di lua nan tak tampak tangih
Nan di dalam baa mambujuaknyo

Read More

RATU SIKUMBANG - Biduak Malang

Cipt. Alextri Chaniago

Patah kamudi nan jo pandayuang
Biduak den tirih
Pulau dijalang nan jauah pulo
Badai indak namuahnyo rado
Bilo ka sampai ka subarang
Biduak den sansai di galombang

Kironyo uda nan denai cinto
Kini tagamang
Kok ditompang biduak denai ko
Ragu sampainyo ka muaro
Uda baraliah ka sampan urang
Takuik ka karam di biduak malang

Tasisieh tabuang diri ko di galombang cinto
Malengah oi uda kini ko lah mambuang luko
Oh Tuhan kuaso nan kayo tolong denai nan ko
Hanyuikkan antakan sampaikan denai ka muaro

Ndak tajajak juo denai jo tanah tapian
Untuak paubek hati nan sadang ibo

 

Read More

RATU SIKUMBANG - Di Mimpi Datang Juo

Cipt. Sexri Budiman
Rasonyo lah jinak raso lai ka namuah
Jarek candolah kanai
Kironyo babega di ateh rantiang sajo
Jarek maraguik juo

Kasiah ka uda surang bak hutang balun tabayia
Siang malam manyeso
Kacang nak lai katumbuah bumi anggan manarimo
Coiko cinto den kini

Cando bapitunang dendang buruang nan tabang
Ulu hati nan nyo jalang...
Dek pandai rang malenggang den sangko datang manjalang
Kiro denai mabuak surang...

Alah den buang jauah nan mambuek hati rusuah
Nak janiah sado nan karuah...
Tapi apo ka dayo, indak di alam nyato
Di mimpi datang juo...

Read More

RATU SIKUMBANG - Kelok 44

Cipt. Masrul Mamudja

Di kelok ampek puluah ampek
Denai bamulo barangkek
Tinggalah kampuang sanak sudaro
Denai barangkek ka Tanah Jao...
Tinggalah kelok ampek puluah ampek
Tinggalah kelok ampek puluah ampek

Di Taluak Bayuo den tamanuang
Den lapeh pandang bakuliliang
Tabayang rantau nan ka den hadang
Dima ko badan ka manompang...
Jatuah badarai si aie mato
Tinggalah kelok ampek puluah ampek

Read More

RATU SIKUMBANG - Bakilah

Cipt. Alextri Caniago

Mananti...
Panek mananti sapanjang malam
Lah dingin...
Lah kadinginan bakawan ambun

Uda den arok....
Indak kunjuang tibo
Angin lah bakisa lidah lah bakilah
Niek hati lah uda tuka

Jo muluik manih dulu uda basumpah
Kini ko janji tinggalah janji
Uda ingkari....
Usah manikam dari balakang
Eloklah uda bataruih tarang
Nan samo sanang....

Kini lah denai sadari uda oi
Apo nan lah tajadi
Kabek babuhuo mati ondeh
Lah putuih uda rangguikkan

Read More

RATU SIKUMBANG - Takicuah di Nan Tarang

Cipt. Dasri Syahira

Tigo tahun lah denai nanti
Den siram bungo patang jo pagi
Tapi apo nan tajadi da
Bungo den siram kambang tak jadi

Bamulo cinto tumbuah di hati
Uda bajanji ndak kabapisah lai
Tapi apo nan tajadi da oi
Sabana padiah hati didutoi

Apo salah denai da kanduang
Apo doso denai batinggakan
Manga pinangan urang nan batarimo
Takuik jo denai uda kasansaro

Hilang di nan kalam mungkin biaso
Takicuah di nan tarang hati taibo
Kamano malu da kanduang
Ka denai bawo...

Read More

RATU SIKUMBANG - Nyao Pulang Ka Badan

Mungkin dek untuang nan indak ado
Baurak raso jalinan cinto
Kinilah lamo maso balalu
Lah habih lah hilang rindu

Ndak disangajo kito batamu
Dingin badan ko taraso kaku
Den jawek salam mato balinang
Dunia raso baguncang

Raso nyawo pulang ka badan
Raso hiduik aruah nan hilang
Walau barek raso di dado
Lah den kubuo carito lamo

Ka dalam den raguak tangih
Di lua lai galak juo
Kok cinto ndak namuah habih
Den kukuik malah hati ko

Read More