OVHIE FIRSTY - Surek Putuih Dari Jao

Cipt. Rustam Raschani

Rusuah hati den kini ko
Mandapek pasan urang dari Jao
Kironyo surek den tarimo
Dari uda jauah nan den cinto

Den bukak surek den baco
Surek putuih malah kironyo
Balinang si aie mato
Kironyo uda alah baduo

Kini tinggalah denai surang
Hati nan luko indak kunjuang hilang

Read More

RENIMA - Salam Rindu

Cipt. Ir. One Pat Sajauah-jauah tabangnyo bangau Namun suruiknyo ka kubangan juo Sajauah-jauah uda pai marantau Kampuang halaman patenggangkan juo Rancak dusunnyo rang Koto Tuo Diliek jauah nan di hari sanjo Sungguahpun rancak gadih di tanah Jao Ka cinto uda denai picayo juo Angin malam sampaikan salam rindu di hati Bintang jauah dihapuih mimpi nan ko Tabayang galak uda di palupuak mato Badarai raso hati malapehkan uda pai Isak tasadu-sadu tangan malambai juo Sabak di hati balinang aie mato Tuhan nan kuaso hapuihlah tangih nan ko Picayo denai sabana picayo Indak uda kabapaliang cinto

Read More

RENIMA - Palito Cinto

Cipt. Evan Budiana

Marambang sanjo baganti malam
Bakilau cahyo bulan jo bintang
Hati batanyo ka bakeh malam
Dimano kasiah pautan sayang

Palito cinto sibiran tulang
Paubek jariah palarai gamang
Hati nan rindu siang jo malam
Dimano kasiah pautan sayang

Kok jauah di langik turunkan ka bumi
Kok jauah di mato dakeklah di hati
Kok sadang di lauik di taluak den nanti
Di palabuhan cinto manunggu

Umpamo di gunuang turunlah malereang
Hanyuiklah bak cando aie jo hulunyo
Sajaniah ambun di pagi hari sayang
Cinto di hati nan ka mananti
 

Read More

AN ROYS - Pasan Alang Babega

Kok ratok nan dibawo alang babega
Rindu nan baisakkan di dalam nyanyi
Lai sampai diak jaleh tadanga
Tangih jo apo ka den radokan

Dek rono nan indak kunjuang batuka
Bansaik lah manjadi pamenan diri
Itu sababnyo anggan bakaba
Mangko den lareh di parantauan

Kok lah basilang carano tibo
Tarimolah diak jo hati suko
Lupokan sajo sumpah jo janji
Kok indak saba adiak mananti

Walau hati ramuak radang
Rila den malapeh adiak basandiang
Denai iriangkan adiak jo doa
Sananglah bungo dalam jambangan

Read More

OVHIE FIRSTY - Biduak Malang

Cipt. Alextri Chaniago

Patah kamudi nan jo pandayuang
Biduak den tirih
Pulau dijalang nan jauah pulo
Badai indak namuahnyo rado
Bilo ka sampai ka subarang
Biduak den sansai di galombang

Kironyo uda nan denai cinto
Kini tagamang
Kok ditompang biduak denai ko
Ragu sampainyo ka muaro
Uda baraliah ka sampan urang
Takuik ka karam di biduak malang

Tasisieh tabuang diri ko di galombang cinto
Malengah oi uda kini ko lah mambuang luko
Oh Tuhan kuaso nan kayo tolong denai nan ko
Hanyuikkan antakan sampaikan denai ka muaro

Ndak tajajak juo denai jo tanah tapian
Untuak paubek hati nan sadang ibo

 

Read More

VANNY VABIOLA - Tarumuak

Cipt. Yon Idrus

Putuih tali disambuang dapek disambuang
Putuih cinto sansaro dibueknyo
Dima duduak bamanuang badan tamanuang
Batambah padiah hati nan seso

Padiah hati nan luko indak tabado
Ulah cinto tarumuak dibueknyo
Kasiah sayang tajalin nan alah lamo
Kini bapisah sansai jadinyo

Dibawok tagak salah dibawok duduak bedo
Bumi dipijak saraso baputa

Read More

OVHIE FIRSTY - Di Hati Mati di Mato Buto

Cipt. Herison Ck

Di hati uda lai den bawok
Bak cando bungo nan jo tampuaknyo
Arek baganggaman kasiah yo indak talarai
Baitu bana taduahnyo cinto

Den nanti siriah dalam carano
Pabilo uda datang maminang
Usah balamo-lamo denai manunggu
Di hari elok kutiko tibo

Jikok di hati mati jikok di mato buto
Usah digantuang si tali cinto
Nyampang balamo-lamo cameh datang mandayo
Takuiknyo denai urang katigo

Cinto nan denai raso uda baitu pulo
Elok diikek nak jan manyeso
 

Read More

AN ROYS - Lai Tabawo Batinggakan

Di ateh tugu rang pacah
Di baruah tikalak makan
Tangah-tangah jalo babega,
Lari bana ka liang batu
Basilang uwik jo pangali
Sinan manangih surang diri

Malang, untuangnyo puluik-puluik
Lai tabAo batinggakan
Padonyo tumbuah bialah mati....
Rintang maetong sakik hiduik
Lalok salayang hari siang
Den paluak banta den tangisi....

Risau lai...
Den paluak banta den tangisi
 

Read More

ADILLA - Maulang Sayang

Cipt. Ridwan Idma


Dulu kasiah barasiokan
Guruah di hati hanyo bagumam sajo
Tapi kini samo-samo manyatokan cinto
Raso kababaliek ka maso nan lamo

Tadayo hati mambayangkan
Bakawan dulu cinto alah dipandam
Tadayo muluik denai baliak manjanjikan
Kito ka batamu di ujuang jalan

Rindu denai manuai galak
Ingin denai maurai tangih
Salah denai harok batamu walau adiak lah baduo
Dulu hati dipamainkan
Kini hati mampamainkan
Lamo denai mancari jawek lah batamu hilang pulo

Nan denai rusuahkan sarupo simalakamo
Manyasa batamu namun sakik kahilangan
Nan denai angankan kito ka biaso sajo
Nan denai rusuahkan bakawan ka maulang sayang

Read More