Minggu, 19 Desember 2010

An Roys - Sasampan Indak Sagamang

Iyo, sansai jadinyo
Hujan badai malendo sampan nan ko
Ombak gadang adiak tagamang
Manga denai nan basasali
Aie matolah bagalanggang
Upek caraco manimpo diri

Dululah den katokan
Denai bansaik nan mularaik
Indak mungkin ditompang
Tapi adiak bakareh juo....
Kini taibo hati
Den dihino dicaraco
Padiah indak tatahan
Lautan cinto jolong dihadang....

Bialah sampan manapi
Untuak apo balayie
Balayie ndak satujuan
Batang karam samakin mandalam....
Bialah den ungkai janji
Untuak apo bacinto
Bacinto mambuek luko
Kito sasampan indak sagamang....

Sabtu, 18 Desember 2010

Roni Chaniago - Tongga Babeleang

Bak kato balam padi rabah
Salamo kami ayah tinggakan
Iduik kami batambah susah
Dunsanak lai balanteh angan

Manangih denani dalam rasian
Mangana untuang nasib nan ko
Harato bando kami ndak punyo
Denai jo mande dibaluik seso

Kok nyampang singkek umuo mande
Kasia badan kabagantuang
Darah nan baru satampuak pinang
Umuo nan baru satahun jaguang

Denai nan surang tongga babeleang
Si upiak iyo si buyuang iyo
Si bungsu indak kabaradiak
Si tuo indak kabakak

Malangnyo nasibnyo ambai-ambai
Lubang tagali ombak tibo
Jarek samato jo banang salai
Putuih jo apo mak oi, kapaulehnyo

Senin, 13 Desember 2010

An Roys - Cinto Putiah Babungo Ungu

Lai diak tahu tak mungkin batamu
Rueh jo buku
Manga den diarokkan manga den dijanjikan
Jo manih tabu

Lai den samaikan rindu-rindu
Dihati nan saputiah awan
Sadang babungo sayang
Rasolah di tangan
Rantiang adiak patahkan

Lai den nantikan janji-janji
Malam ka babulan tarang
Sadang langik babintang
Raso malam ka panjang
Hujan adiak curahkan

Salah denai dulunyo
Gurauan urang den sangko kasih jo cinto
Kini padam palito
Kalam di hati antah bilo ka tarangnyo

Cinto putiah babungo ungu
Hati den padiah tasambilu
Antah dimano tampek mangadu

Madi Gubarsyah - Marawa

Marawa di alek gadang
Manga baganti jo kain hitam
Barek kaki den langkahkan
Badan raso ndak batulang
Adiak tabujuo di muko palaminan

Den imbau-imbau indak manjawek
Mato tapiciang tangan balipek
Dendang baganti, baganti jo ratok tangih

Lah arok suntiang nan kuniang ameh
Ka dipakaikan ka anak daro
Bapisah kito, bapisah sabalun basandiang

Den arok baarak sabalik kampuang
Kironyo baarak ka pusaro