RENIMA - Takana Juo

Cipt. Syarul Tarun Yusuf

Lapeh nan dari Auo Birugo
Tampak Jam Gadang manjulang tinggi
Lah lapeh pulo kijang ka rimbo
Hilang jo apo kasiah den ganti

Takana juo iyo…
Dek kasiah ditinggakan
Hati den ibo iyo…
Dek kasiah dirangguikkan

Tagak Jam Gadang di Bukiktinggi
Manjadi saksi janji baduo
Kasiah jo sayang da usah abihi
Sahalai rambuik tinggakan juo

Read More

VANNY VABIOLA - Banang Sahalai

Cipt. Suryaman

Manih tabunyo rang Singgalang
Lamak dimakan hari sanjo
Banang sahalai ruponyo indak manenggang
Sadang paguno putuih pulo

Alang jo kekek bari makan
Barilah makan kaduonyo
Panjang jo singkek dicubo mampaulehkan
Indak namuah kabaa juo

Yo yo iyo ondeh baa jadinyo
Yo yo iyo ondeh apo kadayo
Batu tataruang kok lai takana juo
Konon uda pautan cinto

Read More

VANNY VABIOLA - Bapisah Atau Basatu

Cipt. Yos Bernadi

Kasiah mungkinkah kito basatu salamonyo
Sadangkan baru tumbuah pucuak cinto di hati
Patikaian lah mulai tajadi

Kasiah haruskan cinto hanyo untuak dibagi
Untuak apo bakato manih di bibie sajo
Mambuek luko hati di dalam

Usah diagah  denai jo kato-kato marayu
Piliah antaro duo bapisah atau basatu
Untuak apo bacinto hanyo mambuek luko
Saba ado batehnyo

Kok nio cinto basatu bak pantai jo lauik biru
Tolong ubahlah laku malangkah usah baliku
Untuak sucinyo cinto taguah janji jo kato
Sampai ka akhie maso

Read More

VANNY VABIOLA - Bialah Mato Ko Buto

Cipt. Sexri Budiman

Badan rasonyo tak lamak
Darah rasonyo tak sanang
Antah apolah sababnyo
Mimpi buruak nan lah datang
Raso cincin denai hilang
Nan dulu uda pasangkan

Nyato juo mah kironyo
Tanuang hati denai ko
Uda duduak di palaminan
Bialah mato ko buto dari pado den maliek
Urang basandiang duo

Manga bungo disirami
Jikok dipatah pucuaknyo
Jo denai uda buek janji
Jo nan lain malah jadinyo

 Manga bungo disirami
Jikok dipatah pucuaknyo
Di lua nan tak tampak tangih
Nan di dalam baa mambujuaknyo

Read More

VANNY VABIOLA - Diam-Diam Jatuah Hati

Cipt. Yessi Wenas

Mangkonyo batambah sansai
Disitu hati den kanai
Saliang bapandang-pandangan
Diam-diam dimabuak surang

Cinto kabakeh uda surang
Dalam lagu denai sampaikan
Manangih tagalak juo
Diam-diam dimabuak cinto

Disayang iyo disayang
Galak nan bacampuo jo tangih
Bakeh sia dikatokan
Diam-diam kanai hati

Cinto kabakeh uda surang
Makin parah makin mandalam
Bakeh sia dikatokan
Diam-diam kanai hati

Read More

UCOK SUMBARA - Kasiah Habih Sayang Tak Hilang

Biduak lah tirih pandayuang patah
Sansailah badan diamuak badai
Jikok lah banci katokan malah
Usah ditulak den jo parangai

Ambiaklah batang yo nan babuah
Biakan pandan nan tak babungo
Turuik di adiak yo nan batuah
Tinggakan badan nan tak baguno

Malang oi…..
Untuang bak batu nan di lautan
Sansai oi….
Antah pabilo ka tarapuangnyo

Ciek di denai yo nan marusuah
Kasiah lah abih sayang tak hilang
Kok lai dapek pintak kok buliah
Jan baliak juo dalam rasian

Read More

Pasang Iklan Baris GRATIS: metode bisnis terbaru

Judul Iklan*:	metode bisnis terbaru
Nama*:	aziz
Email*:	azizputra6@gmail.com
Jenis Iklan*:	Iklan Pribadi
Situs Web:	azizputra6.blogspot.com
Telp./HP*:	085259011206
Isi Iklan*:	Rahasia Mengumpulkan Kekayaan Lewat Internet Dengan MUDAH dan CEPAT Akhirnya Ditemukan...!! Ratusan Ribu hingga JUTAAN RUPIAH tiap hari langsung masuk rekening...!!

Powered by EmailMeForm

Read More

RENIMA - Karam di Lauik Cinto

Cipt. Syarul Tarun Yusuf

Maaf nan den pinto
Bukan malawan putusan mande
Luko hati den antah dima ubeknyo
Batahun denai nantikan tando jo sirieh carano
Sampai hati mande tulak pinangan urang den cinto

Kanalah asa mulo jadinyo
Kok ndak dek cinto ayah jo bundo
Tuhan tunjuakkan buktinyo nyato
Mangko den lahie ka dunia nan ko

Dek bangso jo namo
Tarang cahayo ameh parmato
Condong carano juo yo ka nan kayo
Suratan nasib nan malang ndak salah ayah jo bundo
Kasiah hati nan lah hilang lah karam di lauik cinto

Read More

VANNY VABIOLA - Bamandi Aie Mato

Cipt. Bob Dalil

Aie diminum raso duri
Nasi baraso saka
Sajak uda malupokan janji
Kok nan tasirek di hati yo nan talinteh di mato
Dibaok tabang disapu angin bakisa

Api padam puntuang ko hanyuik
Hati nan lah binaso
Uda sanang hati denai taibo
Cincin maikek di jari ameh taraso timbago
Cahayo tarang taraso kok galok juo

Lah diganggam arek manga balapehkan
Maratok hati bamandi jo aie mato
Kama ka dibao hati nan taluko
Harok mananti nyatonyo uda tinggakan

Bialah kini denai mati bakalang tanah
Dari pado hiduik surang manangguang seso
Galok tiado palito tasangkuik kaki tarambau
Coitu bana sansaro nan den tangguangkan

Read More