ICHA ZAGITA - Tongga Babeleang

Cipt. Eri KMT

Bak kato balam padi rabah
Salamo ayah kami tinggakan
Hiduik kami batambah susah
Dunsanak lai balanteh angan 

Manangih denai dalam rasian
Mangana untuang nasib nan ko
Harato bando mandeh ndak punyo
Denai jo mandeh dibaluik seso

Kok nyampang singkek umua mandeh
Ka sia badan ka bagantuang
Darah nan baru satampuak pinang
Umua nan baru satahun jaguang
Denai nan surang tongga babeleang
Si upiak iyo si buyuang iyo
Si bungsu indak ka baradiek
Si tuo indak ka bakakak

Malang nasibnyo ambai-ambai
Lubang tagali ombak tibo
Jarek samato jo banang sahalai
Putuih jo apo mak oi kapaulehnyo..

Read More

ICHA ZAGITA - Nyao Taruahan Kasiah

 
Cipt. Sexri Budiman

Di hati mati di mato buto
Mangko taulang jalinan cinto
Nan den takuti malah tajadi
Babuah pisang yo kaduo kali

Balangang surang di malam kalam
Raso malaikaik manjapuik nyao
Baru kasanang luko nan dalam
Baulang tikam di jajak nan lamo

Nyao taruhan kasiah nan den hadang
Manga lain pulo nan den tarimo
Siso rasonyo kasiah jan dibuang
Biakanlah tingga pambaluik luko

Read More

ICHA ZAGITA - Cangguang

Cipt. Sexri Budiman

Cangguang di ujuang jalan
Labuah di panantian lah basimpang duo
Arek bimbiangan tangan
Rapek pasandiangan bapisah jadinyo

Rila lai den rilakan
Buliah naknyo tanang datak jantuang ko
Tiok mato den piciangkan
Lengahnyo nan kanduang tampak juo

Padam palito cinto, api rindu nyalo juo
Bayang kasiah den buang, gurau manjo tak kunjuang hilang
Dek ndak pandai den bacamin diri
Mangko salah den mambaco bayang

 

Read More

RATU SIKUMBANG - Bialah Mato Ko Buto

 
Cipt. Sexri Budiman

Badan rasonyo tak lamak
Darah rasonyo tak sanang
Antah apolah sababnyo
Mimpi buruak nan lah datang
Raso cincin denai hilang
Nan dulu uda pasangkan

Nyato juo mah kironyo
Tanuang hati denai ko
Uda duduak di palaminan
Bialah mato ko buto dari pado den maliek
Urang basandiang duo

Manga bungo disirami
Jikok dipatah pucuaknyo
Jo denai uda buek janji
Jo nan lain malah jadinyo

Manga bungo disirami
Jikok dipatah pucuaknyo
Di lua nan tak tampak tangih
Nan di dalam baa mambujuaknyo

Read More

ICHA ZAGITA - Basuluah Jo Aia Mato

Cipt. Sexri Budiman

Bungo ka suntiang layua tabuang
Maratok sanggua ateh kapalo
Cilako jalan yo dek basimpang
Awak sairiang dicaraikannyo

Api sapuntuang nan alah padam
Jarek samato putuih panjalin
Putuih nan tiado kapaulehnyo...
Tarambau denai yo di nan kalam
Uda mambimbiang tangan rang lain
Denai basuluah jo aie mato...

Kok jantuang putuih darah baserak
Silasiah tungga ka paurehnyo
Indak den cameh kasiah kacarai
Rusak di dado nan ka manyeso

Read More

ICHA ZAGITA - Aia Mandian

Cipt. Wilson Rako

Taruih mambayang di pikiran hati ko ibo
Dek bansaik diri dunsanak malengahkan
Kok basalang tenggang indak mungkin diarok lai

Iyo kok sansai mande kanduang kito kini ko
Basabalah usah disasali
Padiah kato dunsanak mande lah aie mandian kito

Dalam duduak acok den tamanuang
Tangiang juo upek jo caraco
Tahino bana yo dek harato nan tak ado
Lai kok untuang mande isuak den tabuih kato urang nan tadorong

Read More

RENIMA - Cinto Basarang Duto

Cipt. Yon Idrus

Saharum bungo malati nan tabik di pagi hari
Hanyo di dalam mimpi hilang kama ka dicari
Sio-sio denai mananti uda jauah di rantau urang
Kini bakawan sunyi bak bulan indak babintang

Cintolah basarang duto batirai bamego-mego
Takicuah pandangan mato nan malieknyo
Cintolah basarang duto bagungguang dibawok tabang
Baungkai janji-janji kito nan lamo

 

Read More

AN ROYS - Surek Dari Rantau

Sapucuak Surek Den Tibo
Manjalang Dagang Di Rantau
Panawa Rindu Di Dado
Paubek Risau

Sapucuak Surek Den Baco
Tabayang Adiek Mananti
Basaba Adiek Basaba
Tanangkan Hati

Kok Cinto Umpamo Kain
Colok Nan Lai Baitu Juo
Oi Adiek Kanduang
Danga Dangakan Pasan Denai Ko

Sapantun Si Buruang Bangau
Jo Kubangan Indak Kalupo
Oi Adiek Sayang
Denai Nan Lai Kapulang Juo


Sapucuak Surek Den Baco
Tabayang Tapian Mandi
Basaba Indak Ka Lamo
Adiek Mananti
 

Read More

OVHIE FIRSTY - Surek Putuih Dari Jao

Cipt. Rustam Raschani

Rusuah hati den kini ko
Mandapek pasan urang dari Jao
Kironyo surek den tarimo
Dari uda jauah nan den cinto

Den bukak surek den baco
Surek putuih malah kironyo
Balinang si aie mato
Kironyo uda alah baduo

Kini tinggalah denai surang
Hati nan luko indak kunjuang hilang

Read More