Yen Rustam - Cinto Jan Dibali

Cincin bamato dijari manih
Cincin siapo nan uda pakai
Tolonglah jawek tanyo den kini....
Taranglah denai manahan tangih
Daganglah tandeh pokoklah habih
Nan lain juo nan barasaki....

Kini den tau cinto manduo
Nan uda tanam di dalam dado
Denai disayang urang dicinto
Dek uda kayo lapeh kandaknyo

Pitih dapek dicari
Budi jan dibali
Cinto yo kadatang juo....

Ondeh yo mak....
Pitih dapek dicari
Budi jan dibali
Cinto kadatang juo

Bialah rambuik samo hitamnyo
Usah samokan den jo dirinyo
Denai tak silau nan dek harato....
Bukan lantaran dek roman rancak
Oi bukan silau ameh jo perak
Urang dijajah bak kato awak....

Sungguahpun bumilah jadi duo
Ombak mahampeh jadi bancano
Balum sasakik hati nan luko
Luko nan tiado paubeknyo

Kayo jan dibanggakan
Cinto bukan dagangan
Tinggakanlah denai surang....

Ondeh yo mak....
Kayo jan dibanggakan
Cinto bukan dagangan
Tinggakanlah denai surang

Posted in: Lirik Lagu Minang , Yen Rustam